Hópurinn hjólaði saman fyrsta hring en sá hringur var varla búinn þegar gefið var verulega í. Á 4. hring náðu Hafsteinn, Pétur og Davíð forskoti en í næsta hóp fyrir aftan voru Gunnlaugur, Hákon, Árni Már og Hlöðver. Sú staða hélst óbreytt næstu hringi. Á meðan kláraði Emil Tumi unglingaflokkinn (20km) á góðum tíma, 39:20. Í kvennaflokki náði Eva Margrét forystunni en Steffi fylgdi henni nokkra hringi en varð svo að gefa eftir. Nýliðinn Margrét Pálsdóttir hjólaði einnig mjög vel og fór að draga á þær eftir nokkra hringi og náði Steffi og endaði ekki nema 10 sek á eftir Evu sem sigraði á frábærum tíma, 41:42.

Á þeim tímapunkti voru bara þrír hópar eftir í karlaflokki en fyrsti hópur hægði mjög á sér fyrir síðasta hring. Þá var forysta hópsins um 90 sek á Gunnlaug, Hákon og Árna en Gunnlaugur náði þeim fyrir síðstu beygju áður en endaspretturinn hófst. Davíð (SCOTT) vann þann sprett og var sjónarmun á undan Hafsteini (TREK). Pétur Þór (TREK) var svo einu sekundubroti á eftir þeim og Gulli sekúndu þar á eftir. Sigurtíminn var 45:30,0 sem er 2,5 mínútum betri tími en í fyrra þrátt fyrir verri aðstæður. Greinilegt að hjólreiðafólk er í gríðarlega góðu formi strax snemmsumars.

Hjólreiðanefnd ÍSÍ hélt mótið með mjög góðri aðstoð frá Hjólreiðafélaginu Bjarti, HFR og Hjólamönnum og kann nefndin þeim bestu þakkir fyrir.

Heildarúrslit

Nokkrar myndir sem Sigurgeir tók við verðlaunaafhendingu