Íslandsmeistarmótið í götuhjólreiðum fór fram við frábærar aðstæður á Þingvöllum á sunnudaginn. Því miður var þáttakan í öfugu hlutfalli við góða veðrið og er það umhugsunarefni að eitt fámennasta mót ársins í götuhjólreiðum sé sjálft íslandsmeistaramótið.

Lagt var af stað frá Nesjavallavirkjun og hjólað sem leið liggur Grafninginn og inn í þjóðgarðinn þar sem karlaflokkur hjólaði 3 “klassíska” hringi í þjóðgarðinum og til baka. Kvennaflokkur hjólaði 1 hring í þjóðgarðinum og svo sem leið lá til baka inn á Nesjavelli.

Í karlaflokki þróaðist keppnin á mjög skemmtilegan máta. Langstærsti hluti hópsins hélt saman allt þangað til í síðustu brekkunum fyrir endamarkið þar sem Dabbi og Haffi sprengdu allt í tætlur. Niðurstaðan var sú að Haffi kom í mark um tveim hjólallengdum á undan Dabba. Rúmum 20 sekúndum síðar kom Pálmar Kristmundsson í mark og tryggði sér 3. sætið.

Í kvennaflokki voru 4 þáttakendur. Eva Margrét Einarsdóttir kom fyrst í mark og tryggði sér þar með íslandsmeistaratitilinn, í öðru sæti varð Bryndís Þorsteinsdóttir og í því þriðja Sigurbjörg Eðvarðsdóttir. Lára Bryndís hætti keppni.

Myndir sem Sigurgeir tók

Nánari umfjöllun og heildarúrslit á vefsvæði HFR

Sigurgeir ¶ 09:24