Keppnin byrjaði mjög rólega, og það var ekki fyrr en Hafsteini fór að leiðast þófið og stakk af rétt fyrir snúning að hlutirnir fóru að gerast. Þrír Hjólamenn ásamt Árna Má stungu þá sem eftir voru í aðalhópnum af skömmu síðar. Gunnlaugur og Brad unnu vel saman, með dyggri aðstoð frá liðsfélaga sínum, Sigurgeiri Agnarsyni, sem fylgdi þeim lengst af. Undir lokinn voru þeir og Árni Már nokkuð á undan öðrum en samt langt á eftir Hafsteini. Þá reyndi Brad "gamla 1-2 trykkið" eins og fréttaþulur Eurosports kallar það, sleit sig frá hinum, með von um að ná öðru sætinu á dagleiðinni eða í besta falli að eyða kröftum Árna ef hann elti hann uppi. Árni lét hann fara, sennilega meira að hugsa um heildarkeppnina en annað sætið á dagleiðinni. En Brad sprakk svo á limminu í veggnum við Hvammsvík, rétt við endamörkin og varð fjórði í mark á eftir Hafsteini, Árna og Gunnlaugi.

Allt í allt mjög skemmtilegt mót sem Hjólreiðanefndin getur verið stollt af. Og ef dagleiðirnar verða auglýstar tímanlega næsta ár verður þátttakan vafalaust enn betri.