Keppnistímabilinu lauk ekki í Færeyjum fyrr en laugardaginn 29. september þegar fram fór færeyska meistaramótið í hópstarti á götuhjólum. Hjólaðir voru 100 km. Gunnar Dahl-Olsen vann hinn unga og bráðefnilega Torkil Veyhe nokkuð óvænt í æsispennandi endaspretti en margir höfðu spáð hinum síðarnefnda öruggum sigri. Í 3. sæti var Eli Christiansen einungis hálfri sekúndu á eftir Gunnari og Torkil. Hjólamenn óska Gunnari til hamingju með titilinn.