Hjólamenn halda 2. bikar í fjallahjólreiðum við Guðmundarlund í Heiðmörk sunnudaginn 8. júlí 2007 kl. 10.30. Keppt er í flokkunum 13-14, 15-16, 17-18, Opinn flokkur, H-30 og H-40, allir flokkar í báðum kynjum svo framarlega sem þátttaka verður nægjanleg. Keppnin er einnig hluti af Landsmóti Ungmennafélags Íslands. Fer skráning fram á heimasíðu Landsmótsins á slóðinni: https://skraning.felix.is/pages/landsmot-einstaklingar/ Skráningargjald er krónur 1600 við forskráningu en 2500 á staðnum. Við biðjum menn að senda einnig tölvupóst á gj@hive.is þegar þeir hafa skráð sig.

Vekjum einnig athygli á heimasíðu Landsmótsins: http://landsmot.kopavogur.is/

Keppnisstjóri verður Bjarki Bjarnason, dómari Haukur Eggertsson, aðstoðarmaður Gunnlaugur Jónasson sem jafnframt er sérgreinarstjóri UMSK.

Keppnin fer fram á hring sem myndaður er af blöndu af skógarstígum og moldarvegum. Brautarskoðun verður næsta fimmtudag kl. 19.00 við Guðmundarlund.

Til að komast að Guðmundarlundi farið frá Breiðholtsbraut eins og eigi að fara Þriggjavatnaleið en beygt til vinstri á þriðja hringtorgi, inn á götuna Þingmannaleið, einnig merkt "Heimsendi". Síðan er farið beint gegnum eitt hringtorg en farið til hægri á því næsta, merkt "TIPPUR"og "MOLD". Fljótlega sést í trén sem mynda Guðmundarlund.

Nánara kort af leiðinni:

smellið til að stækka