Ástralinn Stuart O'Grady sigraði París Roubaix eða Helvíti Norðursins með nokkrum yfirburðum á sunnudag. O'Grady þakkaði sigurinn góðu starfi liðsfélaga hans í CSC-liðinu en hann stakk af frá sterkum hópi sem innihélt meðal annarra Tom Boonen og Fabian Cansellara, liðsfélaga O'Grady og sigurvera síðasta árs. En þar sem aðrir keppendur höfðu meiri áhyggjur af Boonen og Cansellara fékk hann að keyra óáreittur burt, hann nýtti sér það til fullnustu og kom í mark 52 sekúndum á undan næsta manni á tímanum 6:09:07.